झापामा प्लाइउड उद्योगमा आगलागी, ३० लाख बराबरको क्षति
भद्रपुर, झापा । झापाको विर्तामोडस्थित एउटा प्लाइउड उद्योगमा आगलागी हुँदा ३० लाख बराबरको क्षति भएको छ ।
आज विहान ७ बजेतिर स्थानीय होमप्रसाद घिमिरेले सञ्चालन गर्दै आएको नमस्ते प्लाइ उद्योगमा विद्युत सर्ट भई आगलागी भएको जिल्ला प्रहरी कार्यालय झापाले जनाएको छ ।
बिद्युत सर्ट भई फन्टिफेन नामक काठको मेटेरियल र सिलिङ चेम्बरमा आगलागी भएको र ती मेसिन कामै नलाग्ने गरी जलेको बताइएको छ ।
प्रहरी र स्थानीयको सहयोगमा विर्तामोड, भद्रपुर र दमकका दमकलले लगभग ४ घण्टामा आगो नियन्त्रणमा लिएको प्रहरीको भनाइ छ ।
प्रतिक्रिया राख्नुहोस्