केन्द्रीय तथ्याङ्क विभाग र रेडियो नेपालबिच सम्झौता

काठमाडौँ । राष्ट्रिय जनगणना २०७८ का लागि जनचेतनामूलक सन्देश दिने उद्देश्यले केन्द्रीय तथ्याङ्क विभाग र रेडियो नेपालबिच आज सम्झौता भएको छ ।

राष्ट्रिय जनगणना २०७८ का लागि जनचेतनामूलक सन्देश प्रसारण गर्ने  सम्झौतामा रेडियो नेपालका  कार्यकारी निर्देशक बुद्धिबहादुर केसी र केन्द्रीय तथ्याङ्क विभागका उप महानिर्देशक हेमराज रेग्मीले हस्ताक्षर गर्नुभयो ।

सो अवसरमा  रेडियो नेपालका कार्यकारी निर्देशक बुद्धिबहादुर केसीले राष्ट्रिय जनगणना २०७८ को महाअभियानलाई सफल पार्नु राष्ट्रिय दायित्व भएकोले  सूचना र जानकारी प्रदान गर्न  विभाग सँग सधैँ समन्वय र सहकार्य गर्न तयार रहेको बताउनुभयो ।

केन्द्रीय तथ्याङ्क विभागका उप महानिर्देशक हेमराज रेग्मीले  २०७८ जेठ २५ देखि असार ८ गते सम्म सञ्चालन हुने १२ औँ राष्ट्रिय जनगणनाको सूचना र जानकारी लाई जनस्तर सम्म पु¥याउन  सञ्चार माध्यमको भूमिका महत्त्वपूर्ण हुने बताउनुभयो ।