राणालाई पक्राउ गरेको नभई सुरक्षा थ्रेट बढेपछि रेस्क्यू गरेर सुरक्षित स्थानमा लगिएको: मन्त्री पोखरेल

काठमाडौँ । सरकारका प्रवक्ता एवं शिक्षा तथा खेलकुद मन्त्री सस्मित पोखरेलले पूर्व प्रधानन्यायाधीश चोलेन्द्रशमशेर जबरालाई सरकारले पक्राउ गरेको नभई सुरक्षा थ्रेट बढेपछि रेस्क्यू गरेर सुरक्षित स्थानमा लगेको बताउनुभएको छ ।

मन्त्रिपरिषद्को आज सिंहदरबारमा बसेको बैठकका निर्णयहरू सुनाउने क्रममा सञ्चारकर्मीको एक प्रश्नमा मन्त्री पोखरेलले अपरिचित समूहबाट टेक्स्टमार्फत थ्रेट आएपछि रेस्क्यु गरेको बताउनुभयो । 

मन्त्री पोखरेलले पूर्व प्रधानन्यायाधीश राणामाथि जेनजी समूहबाट सुरक्षा थ्रेट आएको भनी विभिन्न सञ्चारमाध्यममा आएका समाचारमा समेत सत्यता नरहेको स्पष्ट पार्नुहुँदै धम्की दिने समूहबारे प्रहरीले अनुसन्धान गरिरहेको बताउनुभयो ।