भिरबाट लडेर स्वास्थ्य स्वयंसेविकाको मृत्यु
बैतडी । बैतडीमा भिरबाट लडेर एक महिलाको मृत्यु भएको छ । जिल्लाको सुर्नया गाउँपालिका–५ हरिचनकी अन्दाजी ३० वर्षीया गौरा मडैको आइतबार भिरबाट लडेर मृत्यु भएको हो ।
आइतबार दिउँसो करिब १२ बजेको समयमा घर नजिकैको गोगनाडी खोला भीरमा घाँस काट्ने क्रममा भिरबाट लडेर गम्भीर घाइते भएकी मडैको उपचारको लागि अस्पताल लैजाने क्रममा बाटोमै मृत्यु भएको रौलेश्वर स्वास्थ्यचौकी इन्चार्ज नरेश मडैले जानकारी दिनुभयो । उहाँको टाउकोमा गम्भीर चोट लागेको थियो ।
मृतक मडै रौलेश्वर स्वास्थ्य चौकीमा पाँच वर्षदेखि महिला स्वास्थ्य स्वयंसेविकाका रूपमा कार्यरत हुनुहुन्थ्यो । मृतक मडैका घरमा दुई छोरा र श्रीमान् छन् ।
प्रतिक्रिया राख्नुहोस्