त्रिवेणी गाउँपालिकामा विपद् तथा दिर्घरोगीलाई आर्थिक सहयोग गरिँदै 

रुकुम पश्चिम । रुकुम पश्चिमको त्रिवेणी गाउँपालिकाले चालु आर्थिक वर्षमा विपद् तथा दिर्घरोगका कारण प्रभावित ३२ जनालाई ३ लाख ५ हजार रुपैयाँ सहयोग प्रदान गर्ने निर्णय गरेको गरेको छ । 

त्यस्तै पीडितहरूको क्षति विवरण सङ्कलन गरी, प्रहरी मुचुल्का तथा पालिकाको कार्यविधिअनुसार अधिकतम २० हजारदेखि न्यूनतम २ हजारसम्मको आर्थिक सहायता उपलब्ध गराउने निर्णय गरेको गाउँपालिको जनाएको छ । 

गाउँपालिकाले स्थानीय गुनासो सुनुवाइ समिति पनि गठन गरेको छ । जसको संयोजकमा पालिका अध्यक्ष गणेशकुमार केसी, सह–संयोजकमा पालिका उपाध्यक्ष राजकुमारी रेउले, सदस्यमा प्रमुख प्रशासकीय अधिकृत यज्ञबहादुर भण्डारी, प्रहरी प्रतिनिधि विजय ओली, र सदस्य–सचिवमा प्राविधिक खिमबहादुर ओली रहनुभएको छ । 

जाडो मौसममा हुन सक्ने चिसो, आगलागी, स्वास्थ्य जोखिम लगायत सम्भावित चुनौती न्यूनीकरणका गर्न बैठकमा विशेष छलफल गरिएको विपद् फोकल पर्सन ओलीले जानकारी दिनुभयो । 

विपद्मा जोखिम कम गर्न आवश्यक पूर्व तयारी, समुदाय स्तरको सचेतना, र समन्वयात्मक कार्ययोजना तत्काल  लागु गरिने त्रिवेणी गाउँपालिको जनाएको छ ।