प्रधानमन्त्री देउवाद्वारा बलायरको स्वास्थ्य लाभको कामना

काठमाडौँ। प्रधानमन्त्री शेरबहादुर देउवा धनगढी निवासी नरबहादुर बलायरको स्वास्थ्य अवस्थाबारे जानकारी लिनुभएको छ ।

थापाथलीस्थित नर्भिक इन्टरनेशनल अस्पताल पुगी उहाँले बलायरको अवस्थाबारे जानकारी लिँदै स्वास्थ्यलाभको कामना गर्नुभएको हो  । 

आज साढे ११ बजे अस्पताल पुग्नुभएका प्रधानमन्त्री देउवाले बलायर र उहाँका आफन्त तथा उपचारमा संलग्न चिकित्सकसँग कुरा गर्नुभएको अस्पतालले जनाएको छ । 

बलायर लामो समयदेखि मिर्गौलाले काम नगर्दा  पीडित हुँदै आउनुभएको छ । दुवै मिर्गौलामा समस्या देखिएकाले  हाल उहाँले उक्त  अस्पतालमा उपचार गराइरहनुभएको  छ ।