४ अरब २ करोड ५६ लाख ६० हजारको गहुँ उत्पादन  

बारा । बारामा कृषकहरूले यस बर्ष गहुँ  खेतीगरि ४ अरब बराबरको कुल ९३ हजार ६ सय २० मेट्रिकटन गहुँ उत्पादन गरेको कृषि ज्ञानकेन्द्रका प्रमुख राजनारायण साहले जानकारी  दिनु भएको छ ।

कृषकहरूले एनएल ९७१, विजय गौतम, भृकुटी जातको गहुँ कुल ३० हजार २ सय हेक्टर क्षेत्रफलमा खेती गरि प्रति हेक्टर ३ दशमलव १ मेट्रिकटनको दरले ४ अरब  २ करोड ५६ लाख ६० हजार बराबरको गहुँ उत्पादन गरेको कृषि ज्ञानकेन्द्रका प्रमुख साहले भन्नुभयो । 

सिँचाईका लागि जिल्लाका किसानहरुले ५० प्रतिशत सहुलियतमा टियुवल, बोरिङ लगायतका  सिचाई व्यवस्थापन गरिएको हुँदा यस बर्ष गहुँ उत्पादनमा १ प्रतिशतले  वृद्धि हुनुको साथै क्षेत्रफलमा समेत वृद्धि भएको ज्ञानकेन्द्रका अर्थ विज्ञ गणेश महराले बताउनुभयो ।

उत्पादित गहुँ कलैया बजारमा प्रति क्विन्टल ४ हजार ३ सय को दरले बिक्री भइरहेको ज्ञानकेन्द्रका अर्थ विज्ञ महराले बताउनु भयो  । गतबर्ष कृषकहरूले विभिन्न जातको गहुँ ३० हजार हेक्टर क्षेत्रफलमा खेती गरी  प्रति हेक्टर ३ दशमलव मेट्रिकटनले कुल ९० हजार मेट्रिकटन गहुँ उत्पादन भएको  ज्ञानकेन्द्रले जनाएको छ ।